Niuernermi piumasaqaatit

Suleqatigisatta arlaannut ilaallutit angalassaguit, timmisartumi tigusinnaasannik Airshoppimi akileraaruteqanngitsunik inniminniinissamut periarfissaqarputit. Airshoppimi pisiniaruit, niuernermi piumasaqaatit ataani nassuiarneqartut akuerissavatit. Piumasaqaatit taakku pisariaqarpat (ass. inatsimmik imal. teknikkikkut aaqqissuussaanernik allannguinernut tunngatillugu) allanngortissinnaanissaannut immitsinnut pisinnaatippugut.

Inniminniineq

Iniminnikkatit Airshoppimut iserninni piffissaq taaneqartoq- nalinginnaasumik aallarfissat ullunik sisamanik sioqqullugu- Airshoppimit tigoreerneqarsimassapput. Siumut utimullu pisiassanik inniminneereersinnaavutit. Siumut utimullu inniminniinerit immikkoortutut isigineqarnerat maluginiassavat. Tamanna neqeroorutitsinnik ”sisamanik pisiguit ataaseq akeqanngitsumik pissarsiariuk” imal. neqeroorutinik allanik pisiniaruit, pisiassat siumut utimulluunniit angalanermi ataatsikkut tunniussassanngorlugit inniminnerneqarnissaannik isumaqarpoq. 

Airshoppimi pisiassannik inniminneereeruit allannguereeruilluunniit, inniminnikkat nutartikkat "Få opdaterede ordreoplysninger" tuussavat, taava e-mailimik pisiniakkatit pillugit paasissutissanik nutaanik imalimmik nassinneqassaatit. Attataasaq toorsimagukku toorsimanngikkaluarukkuluunniit katinnera kingulleq, pisiannik katersivinni (indkøbskurv) nalunaarsimasoq, akiliiffissatut killiliussaq qaangiuppat akileeriaaseq toqqakkat atorlugu ilanngaatigineqarnissaa maluginiassavat.

Inniminnikkatit poortoreerutsigit (aallarfissat ullut sisamat missaannik sioqqullugu) pisiariniakkavit uppernarsaataanik e-mailisissaatit. Inniminnikkatit uppernarsineqareerpata, e-mailikkullu atugassattut nalunaarutigineqartukkut pisiassamik inniminniineq inaarutaasoq tigoreerukku aatsaat pisinermi isumaqatigiissut, niuernermi piumasaqaatinut taakkununnga tunuliaqutaasoq isumaqatigiissutassaaq. Inniminnikkanik tigusaqarnermut uppernarsaat inaarutaasoq, Airshoppip atuisunik sullissivianut attaveqassaguit atugassat, toqqoqqullugu kaammattorusuppatsigit.

Akileeriaaseq nalunaarnagu inniminniinissamut killiliussaq nallertinnagu pisiassattut inniminnikkat akilerukku, inniminniinerillu taamaatiinnanngikkukku, inniminnikkat 300-koruuniniit 2.000-inut nalillit tuniniakkanik qulit inortunik imallit, poortorneqarlutik timmisartumi ilinnut tunniunneqassapput. Taamanikkussamut pisiassat pisiarissanerlugit pisiarissannginnerlugilluunniit aalajangersinnaavat. Tamanna atuisutut ilinnut neqeroorutaannaavoq. Tamatigut utertitsisinnaanerit maluginiaqquneqarpoq.

Inniminniinerit taamaatiinnarniarukku, tuugassaq annuler ordre toorlugu imal. pisiat ataasiakkaat pisianik katersivimmi koorimiittut- krydsit aappalaartut toortarlugit piiarnerisigut- pissaaq.

18-ileereersimaguit aatsaat Airshoppimi pisiniarsinnaavutit.

Piumasaqaammik allannguineq taamaatitsinerluunniit

Piffissaq allassimasoq nallertinnagu- aallarfissaq nalinginnaasumik ullunik sisamanik sioqqullugu Airshoppimut isernermut atatillugu akitsuusigaanngitsunik inniminnikkannik, timmisartumi inissannik nerisassannillu allannguisinnaavutit. Tamatuma kingorna taamaaliornissaq ajornarsissaaq. 

Pisiatilli akitsuuteqanngitsut timmisartumi tiguneranni utertissinnaavatit. Ataani immikkoortoq utertitsisinnaanermut tunngasoq takuuk.

Akit

Akit tamarmik moms akitsuutaasinnaasullu ilanngullugit danskit aningaasaasa nalingat naapertorlugu akeqartitaapput. Inniminniinerup nalaani akigititat atuupput.

Pisiassat assigiinngitsut 2024-imi maajip ulluisa 15-ianniit oktobarip ulluisa 31-iannut Danmarkimiit timmisartuussinerni atuupput. Akitsuuserinermi maleruagassat, naqinnerit kukkuneqarsinnaanerat, pisiassat pilersuisinit pissarsiarineqarsinnaannginnerat kiisalu akisussaaffigineqarsinnaanngitsut (ilaatigut suliumajunnaarnerit nappaalanerit/nappalanersuaqarneq) allannguuteqartitsisinnaanerat matumuuna nalunaarutigineqassaaq. Pisiassani pineqartuni assigiinngitsuni, pisiniarfimmi pisiassat akii allassimasut pilersuisitsinnit ilisimatitsissutaapput ussassaarutillu piffissami aalajangersimasumi atuuttut assigisaalluunniit eqqarsaatigineqaratik. Pisiniarfimmi akit 2024-imi marsimiit atuuttut internetsikkut pisiniarfimmeersuunatik pisiniarfinni nalinginnaasuneersuupput. Pisiassat ilaat akitsuuteqanngitsunik pisiniarfinni taamaallaat pissarsiassaapput. Taakkunani akigititaasut siunnersuutaapput pilersuisigullu isumasioqatigalugit akigititaallutik. Akitsuuteqannginneq ”Taxfree” EU-mi angallaffinni neqeroorutaasup, piumasaqaataappat pisiassanut akitsuutip momsillu atuuttup Airshoppimit akilereerneqarsimanerannik isumaqarnera, inussiarnersumik maluginiaqquneqarpoq. Tamatumani ornigassamut akitsuuteqaranilu momseqanngitsumukarnerup akeqataanik pisinissannut periarfisinneqarputit.

Pisianik akitsuuteqanngitsunik tunniussineq

Pisiatit akitsuuteqanngitsut timmisartumi tunniunneqassapput. Inniminniisimaguit aallarninni pisiatit timmisartumi tunniutissavagut. Pisiat uternissamut inniminnikkat angerlamut angalanermi tunniunneqassapput. Timmisartumit anitinnak puussiap imarisaasa inniminnikkannut naapertuunerisa misissornissaa pingaaruteqarpoq.

Maleruagassat uku pisiavit akitsuuteqanngitsut tunniunneqarnissaannut tunngasut inussiarnersumik maluginiaqquneqarput:

EU-ip iluani ornitassannut angalaninni timmisartumi issiavissanni tunniunneqassapput.
EU-p avataani aallarfinniit angalaninni pisiatit timmisartumi issiavinni tunniunneqassapput.

Akiliineq

Pisiatit taamaallaat qarasaasiakkut Airshoppimi akilersinnaavatit. Akiliutit Mobilepayilu atorlugit akiliinissamut periarfissat assigiinngitsut neqeroorutigaagut.

Nittartakkakkut niuerfitsinni, NETS Payment Solutions- Nunani Avannarlerni internetsikkut akileeriaatsinik neqeroortuni siuttuusoq, atorparput. Qarasaasiakkut akiliinissaq toqqarukku NETS-imi quppernermut, kontot pillugu paasissutissanik allaffigisinnaasannut isumannaatsumut isertuussamullu ingerlatinneqassaatit. Akiliinerit akuerineqareerpat inniminniinerup tiguneqarneranut uppernarsaammik e-mailikkut nassinneqassaatit. 

Akiliutit makku atorlugit akiliisinnaavutit: Dankort, Visa, MasterCard & Eurocard. Elektronkort (debit aamma maestro ilanngullugit) aamma atorsinnaapput. Taakku saniatigut MobilePay aamma ApplePay atorsinnaavatitaaq. Qarasaasiakkut akiliinermi uatsinni atorsinnaanngisatit tassaapput AMEX, Diners aamma My Holiday Card.  

Pisiatit nassiunneqartsinnagit angalanissannut pisiniarsinnaatitaaneq matuneqarpat aatsaat akiliutissat kontonnit peerneqassaaq. Aallalernermi uternermilu inniminnikkat piniakkatut immikkoortutut marluttut suliarisarnerat pissutaalluni, siumut aallalernermi inniminnikkanut akiliutaasoq aallarnissaq ullut pingasut tallimallu missaasa qaangiunnerat sioqqullugu peerneqartarpoq. Taamatuttaaq utimut angalanissamut inniminnikkanut akiliutissaq utimut angalanissaq ullut pingasut missaat sioqqullugu aatsaat peerneqassaaq. Aningaasanik- pisininni akuerisannit annertunerusunik- peersisoqarsinnaanngisaannarpoq.

Pisiassat akitsuuteqanngitsut, siumullu angalanermi inissat nerisassallu inniminnikkat, siumut angalanermi akilerneqassapput. Taamatuttaaq pisiat akitsuuteqanngitsut, inissat nerisallu utimut angalanissamut inniminnikkat, utimut angalanermi akilerneqassapput. Akiliutit uku arlat atorlugu timmisartumi akiliisinnaavutit: Akiliutit nalinginnaasut tamaasa, AMEX aamma Diners kisiisa pinnagit. Timmisartumi akiliummik akiliinissaq toqqarukku, aningaasat kontonniit peerneqarnissaannut sap. ak. marluk pallissinnaanerat maluginiaqquneqarpoq.

*Debitkort-inut tunngatillugu maleruagassat: Euro-it 200-iniit 800-it nalinginut pisigaanni akiliilernermi kinaassutsimut uppernarsaat takutinneqassaaq. 800 euro-it sinnerlugit nalilinnik pisigaanni aallalersinnani internetsikkut imal. timmisartumi akiliummik allamik atuinikkut akiliisoqassaaq. 

Peqqissimisinnaatitaaneq utertitsisinnaatitaanerlu

Airshoppimut iserninnut atatillugu ulluliussap tungaanut – nalinginnaasumik aallarfissaq ullunik sisamanik sioqqullugu pisiannik katersivinni pisiassanik allannguillutillu piiaasinnaavutit. Pisiatilli akitsuuteqanngitsut timmisartumi tiguneranni tamatigut utertitsisinnaavutit. Pisiatit timmisartumi utertikkukkit saqisut akiliisissanngilaatsit. 

Pisiavit utertinnissaannut tamatigut ulluni 14-ini pisinnaatitaaffeqarputit. Utertitsisinnaaneq pisiavit tiguneraniit atuutissaaq. Peqqissimisinnaatitaanerup/utertitsisinnaatitaanerup tupanut imigassanullu atuutinnginnerainussiarnersumik maluginiaqquneqarpoq.

Pisiaq utertinneqarpat utertitsisinnaanerlu atorneqassappat, pisiaq isikkumigut annertussutsikkullu tiguneqarnermini taamaaqaterluinnangajaasut utertinneqarpat aatsaat taamaliortoqarsinnaavoq. Pisiat isikkumigut annertussutsikkullu taamaaqatingajaanik utertissinnaagukku puuiarsinnaavat misilillugulu. Taamaammat atuinerup pisiap annertuumik nalikillineranik ersarissumik kinguneqartumik atorsimagukku utertitsisinnaaneq atorunnaassaaq. Poortuuteqarpat aserorsimannginnissaa eqqaamallugu. 

Peqqissimiguit Airshoppimut nassiussinissat nammineq akilissavat. Airshoppimit pisiaq tiguneqareerpat utertitsisinnaanermillu atuinissamut piumasaqaatinik eqquutitsisoqarnera misissorneqareerpat, pisissutaasoq kontomut nuussinikkut utertinneqassaaq. Pisiavit taamaallaat PostNord aqqutigalugu utertissinnaanerat inussiarnersumik maluginiaqquneqarpoq.

Pisiaq uunga nassiunneqassaaq: 

Airshoppen 
Handlingsvej Øst 7
Hangar 276 
2791 Dragør 

Att. Kundeservice

Naammagittaalliorsinnaatitaaneq

Atuisutut pisianut tamanut qaammatini 24-ini naammagittaalliorsinnaanermut pisinnaatitaaffeqarputit. Pisianulli atuussinnaaffii killilinnut naammagittaalliorsinnaanerit, piffissamut pisiamut pineqartumut nalinginnaasumik atuuttumut, killeqarpoq. 

Pisiavit ajoquteqarnera amigaateqarneraluunniit paasigukku, tiguneraniit ullut 30-it qaangiutsinnagit Airshoppen attavigissavat ajoqutaasorlu imal. amigaataasup suunera nassuiarlugu. Pisumi aalajangersimasumi sunarpiaq pineqarnersoq apeqqutaalluni, pisiat iluarsarneqarluniluunniit taarserneqassaaq. Tamanna ajornassappat aningaasat pisiavit nalingi utertinneqarsinnaassapput imal. akikillilerneqarsinnaallutik. Tamatumani soorunami naammagittaalliutip pissusissamisoornera, amigaateqarpallu tamatuma kukkusumik atuisimanermik patsiseqannginnera, ajoqusiisinnaasumik pissusilersorfiginninnermik-, sarfamik eqqunngitsumik atuinermik-, sarfap suuneranik-, apornernik ajutoornernillu-, aserorterinermik assigisaannillu patsiseqannginnera apeqqutaassaaq. 

Pisiannik utertitsininnut atatillugu naammagittaalliorneq pissusissamisoorpat, nassiussinermut aningasartuutigiumaakkatit naleqquttut utertissavagut. Inniminniinerup tiguneqarneranut uppernarsaatip assingata akiliisimanermullu uppernarsaatip ilanngullugit nassiunnissaat eqqaamallugu. 

Sullitatta nuannaarlutillu naammagisimaarinninnissaat kissaatigaarput pisiannullu tunngatillugu ajornartorsiuteqaruit attaveqarnissat kaammattutigalugu. 

Atuisunik sullissivik oqarasuaatikkut: +45 32 47 76 72 attavigiuk imal. mailikkut: airshoppen@airshoppen.dk attaveqarit.

Airshoppen 
Handlingsvej Øst 7
Hangar 276  
2791 Dragør 

Att. Kundeservice 

Pisianut taarsiunneqarsinnaasut

Qaqutigut pisiassaq aalajangersimasoq uagut nioqutigisatsitut poortorneqarsimasoq peqqumaasivimmiittuutiginngissinnaavarput. Taama immikkut pisoqartillugu ajornanngippat pisiariniakkap allamik puullip tunniunnissaanut immitsinnut pisinnaatippugut. Assersuutigalugu tarnut seqinermut illersuutitalik nalinginnaasumik 400 ml-inik imalik 2 x 200 ml-inngorlugu tunniunneqarsinnaavoq, imal. mascarat pingasukkaat pisiariniakkat assingi annertussusaallu taakkuusut ataasiakkaarlugit tunniunneqarsinnaapput.

Allanngortitsisinnaanermik nalunaaruteqarneq, akisussaaffillu pillugu maleruagassanik atorunnaarsitsineq

Nioqqutit/pisiassat nungussimasinnaanerat, allassimasut/naqinnerit kukkuneqarsinnaanerat, pilersuisitta pilersuinerisa allannguuteqarnerat, namminerlu pisuussutiginngisamik iliuuseqanngitsoorneq kinguartoornerillu, Airshoppimit iliuuseqarfigineqarsinnaanngitsut allannguisitsisinnaanerat maannangaaq nalunaarutigaarput. Taakununnga ilaapput timmisartuussinerit suleqatigisatsinnit isumagineqartussaagaluit timmisartortitseqatigiiffinnit allanit isumagineqarpata tunniussinissat eqquutsissinnaanngisagut. Danskit eqqartuussiviisa maleruagassaanni nalinginnaasuni allaqqunneqarsinnaanngitsuni- toqqaannanngitsumik annaasaqarneq allamik kinguneqanngippat, tamatumunngalu atatillugu ajoqusernernut, ingerlatsinermi kaaviiartitanillu annaasaqarnermut, iluanaarutissanik annaasaqarnermut, piffissamik annaasaqarnermut, amigaatigisaq pillugu ujariatsinermut imal. toqqaannanngitsumik annaasaqarnermut allamut, Airshoppi akisussaatinneqarsinnaanngilaq.

”Akitsuuteqanngitsut/Taxfree” EU-mi angallavinni neqeroorutaasut nioqqutinut akitsuut momsilu atuuttut Airshoppimit akilerneqareersimanerannik isumaqarnera, inussiarnersumik maluginiaqquneqarpoq. Taamaalillutit akitsuuteqaranilu momseqanngitsumukarnertut akiliillutit pisinissamut periarfissinneqarputit.

Nioqqutissap ajoquteqarsinnaaneranut akisussaaffik

Airshoppimi nioqqutissap ajoquteqarsinnaaneranut akisussaaffimmi, danskit eqqartuusiviini nioqqutissap ajoquteqarsinnaaneranut akisussaaffik pillugu maleruagassat nalinginnaasut malinneqarput. Suliffiup nalinginnaasumik suliaanut atatillugu ajoqusiinernut nioqqutissallu ajoquteqarsinnaanerannut akisussaaffimmik, eqqartuussiviit pisarnertut aalajangigaanni inerisakkamik tunngaveqartut, momsi ilanngullugu 100.000 koruuninut killeqarput. Taamali killiliineq inummik ajoqusiinernut atuutinngilaq. Eqqartuussinerni maleruagassat avaqqunneqarsinnaanngitsut nassatarisaannik allanik soqanngippat, ingerlatsinermi annaasanut, iluanaarutissanik annaasaqarnermut toqqaannanngitsumillu annaasanut allanut, Airshoppi akisussaanngilaq.

Nioqqutissat pillugit paasissutissat

Airshoppimi nioqqutit suunerat, ilisarnaataat immaqalu annertussusaat imigassallu kimittussusaat nassuiarneqarput. Nioqqutit assingi sapinngisamik piviusorpalaartinniarlugit assiliniarneqarput, teknikkimilli patsiseqartumik nioqqutit isikkorisaasa assigeqqissaarnissaat qulakkeerneqarsinnaanngilaq.

Isumaqatigiinngissutit

isumaqatigiinngissutaasinnaasut eqqartuussivikkullu suliassanngortitsinerit, danskit inatsisaat naapertorlugu danskit eqqartuussiviini aalajangiivigineqassapput.